Laguntza

A partaidetzazko prozesu parte hartze-jardueren sekuentzia bat da (adibidez inkesta bat bete aurretik, proposamenak egin, eztabaidatu aurrez aurre edo topaketa birtualetan eta, azkenik, lehentasuna emanez) erabakiak definitzeko eta erabakiak hartzeko helburuarekin gai zehatz batean.

Prozesu parte-hartzaileen adibideak hauek dira: hautagaitza batzordeak aukeratzeko prozesua (hautagaitzak aurkezten direnean, ondoren eztabaidatu eta azkenik hautagaitza hautatzen denean), partaidetzako aurrekontuak (proposamenak egiten direnean, ekonomikoki baloratuak eta dirua eskuragarri duten botoa) plangintza estrategikoko prozesua, araudi edo arau baten lankidetza-proiektua, hiri-espazio bat diseinatzea edo politika publikoko plan bat egitea.

Energia Komunitatea

Tolosan energia burujabetzan pausoak emateko parte-hartze prozesua

Prozesu honi buruz

Imajinatzen duzu hemen bertan ekoitzitako energia aprobetxatu ahal izatea, eta zure bizilagunekin adostu ahal izatea energia hori nola banatu? Horiek dira Energia Berriztagarrien Komunitate (EBK) batetik egin daitezkeen lorpenen adibide batzuk. Parte-hartze prozesu honen bitartez, tolosarrek tolosarrentzako diseinatutako komunitate bat eratzea sustatuko da, herriaren berezitasunei eta bertakoen behar zein interesei egokituta.

Zer da Energia Berriztagarrien Komunitate bat?

• Energia Berriztagarrien Komunitatea da pertsonek edo/eta erakundeek osatzen duten entitate bat, izaera juridikoa duena.

• Komunitate horren helburu nagusia da energia berriztagarrietan oinarritutako proiektuak sustatzea, herritarrak erabakien eta onuren jabe eginez.

• Izaera juridikoari dagokionez, elkartea eta kooperatiba dira Euskal Herrian gehien zabaltzen ari diren ereduak.

Zertarako?

• Energia-burujabetzan aurrera pausoak emateko, enpresa energetikoen eta kanpoko energia-iturrien mendekotasuna murrizteko.

• Tolosan sortutako energia berriztagarria Tolosan bertan erabiltzeko, etekina Tolosa bertan geratu dadin.

• Kostu ekonomikoak murrizteko, eta argindarraren fakturetan aurrezkiak sortzeko.

• Berotegi-efektuko gasen isurketa murrizteko, eta jasangarritasun energetikoa sustatzeko.

Nola sortuko dugu?

• Tolosako Udalak, Gipuzkoako Energia Bulegoaren bitartez, Tolosan parte-hartze saio batzuk antolatuko ditu, herritarrak formatu eta energiaren inguruko hausnarketak egiteko.

• Datorren hilabeteetarako antolatu diren 5 saioetan, energia-komunitatea eratzeko lehen pausoak emango dira.

• Saio horiei jarraipena emateko, Udalak aholkularitza-zerbitzu bat kontratatzea aurreikusten du, Energia Berriztagarrien Komunitatea sortu arteko bidea elkarrekin egiteko.

Nork har dezake parte?

• Bilerak irekiak izango dira, gaiaren inguruan interesa duen oro izango da ongi etorria.

• Bereziki parte hartzera deituta daude Tolosako herritar zein merkatariak.

• Tolosako enpresa txiki, ertain edo handien ordezkariek ere parte har dezakete.

• Beste mota batzuetako elkarte edo erakundeek ere ateak zabalik izango dituzte.