Zabalarretan dauden habia-kutxen segimendua egitea

Zabalarretan lauzpabost habia-kutxa daude, eta aurten eta iaz, behintzat, kaskabeltz-bikote batek umatzeko erabili ditu (aurten habia bat eta iaz beste bat). Habiak nork jarri dituen jakinez gero, hari baimena eskatu eta Aranzadikoek segimendua egin ahal izango lukete, Zumardi Handian, Elosegi parkean eta Iurreamendin bezala: habiak egiten dituzten eta arrautzarik jartzen duten begiratu, txitei eraztuna jarri, udazkenean habiak garbitu… Era horretan, auzoko biodibertsitatea zainduko genuke.